{ لاتكدر خاطرك ضيقه حبيبك يوم قال ~

إيه أحبك يابعدهم بس أنا وين أغدي..

ضيقتي ماهي بس اليوم يابنت الحلال..
ضيقتي لها ثلاث سنين تآكل من يدي..

ضيقتي مافي وفاها يابعد عمري جدال..
كل ليله تبسط يديها وتفرش مرقدي..

ودي أسكت بس أعرف الحظ لامن مال مال..
لي متى والصمت ينهش في ضلوعي وجسدي..

شوفه عيونك هموم وضيق خلق وقل حال..
ويش أسوي دام حظي يابعد عمري ردي..

هي كذا عيشه حبيبك لو تظاهر بالكمال..
أقرب أيامه سعاده بعدها بعد الجدي..

هي كذا وانتي بكيفك مابقى فيها سؤال..
فيه دمعه في عيوني تنتهي أو تبدتدي..

كلها مابين كلمه روح او كلمه تعــــال..
كلمه فيها أضيع وكلمه منها أهتدي..

هذا كل اللي بقووله وإعذري قل الوصال..
والله أدري بك زعلتي بس أنا وين أغدي؟