عاجل جدا وهام :طريقة الكتابه بالمنتدى

مبادئ عامه

للكتابة بالمنتدى

خد راحتك فى الكتابه طالما مش بتتحيز.
حاول تحط المصادر اللى جبت منها كلامك.
اكتب, عدّل, ترجم, حول المقالات بس ما تهينش حد.
اكتب بالشكل اللى يعجبك, بس القاهريه هيه الطريقه المشهوره لكتابة الكلام المصرى, المهم يفهمها المصريين.
حاول تكون محايد.
ما تشهّرش بحد.
ما تنقلش مواد ليها حقوق نشر محفوظه.
حاول تسجل دخولك علشان مساهماتك تتسجل باسمك مش باسم عنوان الIP بتاعك, و ماتنساش تمضى بـ~~~~ فى صفح المناقشه.
الغلطات الاملائيه هاتحصل هاتحصل, مافيش مشكله, لأن كل واحد من اليوزرات ممكن يصلحها.
حاول دايما تشرح سبب تعديلاتك وبالذات سبب استرجعاتك لتعديلات واحد من اليوزرات التانيين.
حاول تشجع و تساعد المساهمين الجداد.
والأدمن ممكن تعدّل و تزوّد فيها, و لو شايف حاجه غلط, صلّحها, طالما مش بتتحيز.

نصايح

أختار الطريقه اللى تعجبك، و التزم بيها.

لو أخترت تكتب فى مقاله بطريقة أملاء معينه، لو سمحت ألتزم بنفس الطريقه فى باقى المقاله.
ما ينفعش يتكتب بكزا طريقه فى مقاله واحده و فى نفس السطر، و ماينفعش تتكتب كلمه واحده بكزا طريقه فى نفس المقاله (الا لو اتوضّح انها بتتكتب بكزا طريقه فى الاول).
لو سمحت ماتغيّرش فى طريقة الاملاء فى المقالات،طول ما المقاله كلها مكتوبه بطريقة أملاء واحده. و لو عاوز تزوّد عليها، أكتب بنفس طريقة الاملا بتاعتها.
ممكن تستعمل الحروف دى فى العناوين: ا أ إ آ ب ت ث ج ح خ د ذ ر ز س ش ص ض ط ظ ع غ ف ق ك ل م ن ه ة و ي ء ى.
ممكن تستعمل حروف بتوضّح النطق جوّا الصفح, زى پ چ ڤ.

أكتب فيفا او ڤيڤا. اكتب ايفا او ايڤا, مافيش مشكله.

أهم حاجه تلتزم بطريقة أملاء واحده فى كتابة الكلام فى نفس الصفحه. بص تحت على الكتابه بالألف-به اللاتينى.
الحروف

ق: لو فيه كلمه من أصل عربى فيها حرف <ق>, يتساب زى ما هو.
ث: لو فيه كلمه من أصل عربى او أى لغه فيها حرف/نطق (ث) و بيتنطق \س\, يتساب زى ماهو. و لو بيتنطق \ت\ يتكتب <ت>.
ذ: لو فيه كلمه من أصل عربى او أى لغه فيها حرف/نطق (ذ) و بيتنطق \ز\, يتساب زى ماهو. و لو بيتنطق \د\ يتكتب <د>.

الهمزات: مافيش همزات قطع و لا همزات وصل كلهم <ا> (الا لو فى نص و اخر الكلمه), بس لو عاوز تكتب همزة قطع جوّا المقاله, مافيش مشكله.
ى: مافيش <ي>, فيه <ى>; لإن <ى> مكتوبه زى ما بيكتبوها المصريين, لكن لو عاوز تكتب <ي> مافيش مشكله لإن <ي> و <ى> حرف واحد.
ته التأنيث: ته التأنيث بتتكتب حسب النطق ياإما \ة\ او \ه\, يعنى تتكتب <انا رايح المكتبه> و تتكتب <انا رايح مكتبة الكليه>.

أدوات الجر و ادوات العطف: كتابة أدوات الجر و أدوات العطف أوضح و أسهل لو تتكتب منفصله عن الكلمه اللى بتيجى وراها يعنى أكتب <فى أوروبا> أو <ف أوروبا> اوضح و أسهل للقرايه من <فاوروبا>.
علامات التشكيل: علامات التشكيل ساعات بتكون مهمه لو نفس الكلمه كان ليها كزا معنى لو اتنطقت بكزا طريقه.

النقطه و الفصله:

النقطه و الفصله مهمين جدا. ياريت تاخد بالك من النقطه و الفصله, علشان الواحد مايتوهش وسط الكلام. و بيتكتبو لازقين فى الكلمه اللى اتكتبت قبلهم, و بعدهم مسافه.

الأسامى:

أكتب الأسامى زى ما بيكتبوها المصريين, يعنى أكتب عن <ڤينيسيا> مش عن <البندقية> و أكتب <انجلترا> مش <إنكلترا>. و اكتب <البرت اينشتاين> مش <اينشتاين, البرت>.

ليه تمصير الكلام؟

لما المصرى يتكلّم عن حاجه حديثه بيمصر الكلمه الاجنبى، مثلاً كلمة سييڤ الصفحة, كلمه جايه من ”save“ أستعملت هنا لإنها مستعمله فى اللغه المصرى, و كلمة أحفظ معناها ”افتكر“ زى ما يكون فى المذاكره, لو بيتكلم عن حاجه فى الكمبيوتر بيمصر الكلمه الاجنبى, زى الديسك و الدرايڤ و السكرين.

أسلوب الكتابه:

إلا لو كان نقل حرفى لـ كلام حد قاله، إبعد عن استعمال الضماير الشخصيه فى المقالات و الاسلوب الموجّه, زى (انا, احنا...), علشان الطريقه دى مش موسوعيه.

مثال: ”إحنا مصريين - إحنا عرب - زى ما حاربـنا 4 حروب فى 25 سنه. احنا لينا روابط مع اليونانيين و مع الايطاليين و غيرهم من الجيران [...] و علشان مايجلكش زهايمر الحق نفسك و روح استشير“.
المقالات بالألف-به اللاتينى

مقالات رئيسيه: مقالات باللاتينى - ألف- به مصرى لاتينى - ملاحظات ع الكتابه اللاتينى.

فيه شوية صغيره من المقالات فى المنتدى منها نسخ بالألف-به اللاتينى لإن كان فيه اقتراح من سنة 1948 لكتابه المصرى بالحروف اللاتينى, و رغم ان اغلبية المصريين مش متعوّدين ع الألف- به اللاتينى, فيه مواد قليله جداً فى المنتدى بحروف لاتينى (الفرانكو) للى عاوز يكتب بيها.
الاقتباسات اللى باللغه العربى
نصايح على العربى

الاقتباسات اللى بالعربى الكلاسيكى او العربى القياسى الحديث اللى بتبقى مكتوبه بالحرف على لسان حد او الأشعار:

الهمزات:.
ى: <ى> من غير نقط زى ما بتستعمل فى مصر.
ته التأنيث:.

ادوات الجر و ادوات العطف:

علامات التشكيل: علامات التشكيل ساعات بتكون مهمه لو نفس الكلمه كان

ليها كزا معنى لو اتنطقت بكزا طريقه.

*************
أتمنى لكل من يهمه الأمر أن يراعى هذه المبادىء العامه فى الكتابة

مع تمنياتى لكم جميعا بكل خير ،،،

الأدمن

» كم رابتك بالمنتدى؟؟؟
» الى كل أعضاء أنا الـــــــــحــــــــــب الـــــــــــــــ كـــــــــــــــــا ن عاجلا وهام
» للاعضاء بالمنتدى
» للاعضاء بالمنتدى
» انت بأعيننا بالمنتدى