اضحك معنا ههه

زائر

هي أخر نكت مش بس نكت مضحكة دي نكت مصرية مضحكة :

اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه

* إتنين ماشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش لية قالو وانا مالى هو انا إللى ضربته

* واحدة الدولاب عندها بيعمل صوت لما القطر بيعدى من جنبهم جابت نجار صلحه مرة و اتنين و تالت مرة قالتله و الله ما انت ماشى الا لما القطر يعدى و أشوفه هيتهز ولا لا شوية و جوزها جه و النجار من الخضة استخبى فى الدولاب …. لما جوزها شافه قاله و انت بتعمل ايه هنا قاله النجار لو حلفتلك بايه مش هتصدق اني مستنى القطر .

* مره واحد راح يعزى فى واحد صحبه فهو ماشى فى الجنازه قابل بائع بطيخ فشترى واحده فالناس طول ماهيه ماشيه بتبوص للبطيخه وتقول كلنا لها راح رادد عليهم وقال محدش واخد منها حاجه

* مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق

* مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس … يالهوي وعملتي إية .. عملت بامية وامري لله .

* مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي .

* حان موعد اختبار المجانين فرسم الدكتور باب مقفول على الحائط واحد ركله والاخر بطحه وضحك الاخير فظن الدكتور أنه شفى فسألة عما يضحكه فقال له المجنون:المفتاح فى جيبى .

* واحد صينى وقع اتكسر

* مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين .

* واحد غني بيتأتأ فراح رحله على حسابه مع اصحابه طول السكه قاعد يقول “ن ن ن” لما وصلوا قالهم” نسيت الفلوس” فرجعوا طول الطريق قاعد يقول” ك ك ك” فلما وصلوا قالهم” كنت باضحك عليكم”

* واحدة بتقول لزوجها لو ما كنتش رضيت اتزوجك كانت حياتك بقت فاضيه قالها :ايوه بس محفظتي كانت حتبقى مليانه .

* مرة دكتور تحليل امة ماتت قال تحاليلي ياما.

* مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قاله ليه دا انا قدامي واحدة على خمس تلاف وحامل

* سودانية لبست فستان أحمر وقالت لزوجها دلعني . .قال لها: يا فحم يا مولع !!

* مرة واحد بيقول لمراته “اعملى محشى” فقالت له “ما بعرفش” قلها “ماليش دعوة” فراح الشغل ورجع لقى السفرة مليانة محشى قلها “مين اللى عمله؟” فقالت “معرفش” فأشتكى للبواب، البواب رد وقاله “الشقة ديه مسكونة” فقله “لاياعم أنا هروح شقة حلوان” فطلع الشقة لقى العفش محلول وهو نازل لقى أربع عفاريت بيغنوا “هنروح حلوان هنروح حلوان”

مرة واحد راح لمقام شيخ وقال له يا سيد ان نجحتلى ابني هاحطلك فى الصندوق 5 جنيه ..وبعدين لما ابنه نجح راح للمقام وقال ياسيدنا البنزين غلي والدنيا نار خد 2 جنيه واسكت ..حط ايده فى الصندوق ايده اتحشرت .. قال سيب ياسيد وهديك الباقى

واحد صعيدى إشترى مصفة لقاها مخرومة رجعها.

مرة واحد بلديات بيقول لواحد تاني و هو بيجري عليه بسرعة:الحق اخوك عواد غرقان في دمه ، آم اخينا ده قاله ماتخافش ما هو بيعرف يعوم

مرة واحد صعيدي ماشي في الشارع ومعاه شوية مسامير فوقع منه واحد قعد يندهله و يقوله تعالى و مفيش فايده آخر ما زهق رما شوية مسامير و قالهم هاتوه

عريس عصبي يوم فرحه كتب في بطاقةالدعوة: الزفت اللي هايجي ميتأخرش…واللي مش جاي في ستين داهية … والعيال الرذلين الصغيرين يتخمدوا فى البيت….. و اللي هاتجيب موبايل كاميرا هفقع لها عينيها الاتنين….وابقوا اطفحوا في بيوتكم .. كفايه اللي دفعته للموكوسه العروسه…. اللي هتمد ايدها عالتورته هقطعهالها ..وابقى حلي في البيت ياختي انتى وهى .. منتو زي القطط تاكلوا وتنكروا …. الرقص ممنوع .. الضحك بصوت ومن غير صوت ممنوع…… وابقى عيل لو اتجوزت تانى

مرة ثلاتة بلدياتنا راحوا يسرقوا بنك … واحد دخل يسرق و التانى وقف يراقب و التالت راح يبلغ الشرطة

واحد سوداني اتجوز واحدة سودانية خلفوا ولد أشقر و عينيه زرقا سموه رجل المستحيل

واحد سكران فتح التلاجة لقي الجيلي بيترعش .. قاله ماتخفش حاخد عصير
فيه واحد بلديتنا قرا حكايه ان واحده في امريكا قتلت جوزها والبوليس اكتشف الجريمه بعد 40 سنه لانها دفنت جثه زوجها فى غرفه النوم المهم اخونا عتريس قتل مراته ودفنها فى ارضيه الاوده وتانى يوم البوليس اكتشف الجريمه عارفين ليه مش عشان البوليس شاطر عشان عتريس كان ساكن فى الدور الخامس

جورج قرداحي بيسأل واحد صعيدي ببقوله الحج فرض ولا سنه قاله هتصل بصديق أتصل بهريدى صديقه وقاله الحج فرض ولا سنه هريدي قاله لا الحج قرعه .

ههههههههههههههههههههههههه أضحك وأنسى همومك هههههههههههههه

» اضحك معانا
» اضحك مع الصور
» اضحك من قلبك
» اضحك من قلبك
» اضحك من قلبك