عدد المساهمات : 4925 السٌّمعَة : 344 تاريخ التسجيل : 26/02/2011
موضوع: اللهم استرنا فوق الارض وتحت الارض ويوم العرض عليك الجمعة 23 سبتمبر - 5:42
السلام عليكم ورحمة الله وبركاته
اخوانى واخواتى بحبكم فى الله وبعتبر وجودى معاكوا دا رضا من ربنا انه ادانى الفرصه اقابل ناس ياخدوا بايدى لرضا ربنا وعشان كدا مش عاوزه احرمكوا من حاجه جميله سمعتها ممكن تفيدكوا
النهارده الصبح سمعت برنامج لشيخى الفاضل الشيخ محمد حسين يعقوب وكان معاه الشيخ الفاضل وحيد عبدالسلام بالى بصراحه انا متابعتش البرنامج من بدايته كان اسمه ( خيمة الدعوه ) على قناة الناس انما كلامهم شدنى فقعدت كملت معاهم الحلقه عارفه انى طولت عليكوا انما موضوع الحلقه كان تقريبا عن ان ربنا هيعرض شريط حياتنا كله يوم القيامه وكل الناس هيشوفوه وكأنه شريط سينما يااااااااااااااه تخيلوا ان كل واحد فينا هيبقى قاعد والدنيا كلها بتتفرج عليه طول حياته اكيد فيه لقطات مخزيه كتير حتى لو كان انسان ملتزم كلنا بنغلط وبنعمل حاجات وحشه كتير وربنا بيسترنا انما يوم القيامه كل الحاجات دى هتتعرض يااه ياربى والناس يبقوا قاعدين يشوفوانا واحنا بنعصى ربنا وبنعمل ذنوب هو دا اللى كان فى الدنيا محترم وملتزم هيقولوا كدا كل متيجى لقطه بعمل فيها ذنب او بعصى ربنا او بعمل حاجه رياء وسمعه عشان الناس يقولوا عليا كذا هيبقى شكلى ايه وقتها هروح فين استخبى تخيل لو انك عملت ذنب معين سرقت مثلا او اعوذ بالله زنيت واكتشفت ان فيه حد صورك شريط فيديوا وجالك وقالك هتتوسل اليه طبعا ان يستر عليك وميفضحكش طب لو قالك تدفع كام وانا اديلك الشريط ها هتدفعله كااااااااااااااااام ياترى انا ممكن اعمل مونتاج للشريط اللى هيتعرض يوم القيامه دا واقص منه كل اللقطات دى ؟؟؟؟ طبعا ممكن ادور على ذنوبى وبقدر كل ذنب اتصدق لان الصدقه بتمحى الذنوب دا طبعا بعد التوبه النصوحه . ياترى ايه تانى فيه ميه ممكن تغسلى الذنوب والمعاصى دى انما ميه غاليه اوى ياترى مين فينا هيقدر على تمنها يارب احنا مساكين والله بس الميه دى غاليه عند ربنا اوى ياترى ممكن ربنا يرحمنا ويرزقنا بيها ويبقى دليل انه رضى عنا وسامحنا وان اللقطات دى اتمحت من شريطنا يريت الميه دى ياجماعه هى دموعنا وتوسلنا لربنا انه يسامحنا ويغفرلنا ذنوبنا وطلب الرحمه والستر من عند ربنا انه زى مسترنا فى الدنيا يسترنا فى الاخره والله ياجماعه انا دايما ادعى ربنا بالستر انما النهارده اول مره احس معناه
اللهم استرنا فوق الارض وتحت الارض ويوم العرض عليك
استحلفكم الله ادعولى ربنا يرحمنى ويرضى عنى لكم منى كل تقدير وحب فى الله
رجل من زمن جميل المشرف المميز
عدد المساهمات : 3688 السٌّمعَة : 453 تاريخ التسجيل : 03/03/2011
موضوع: رد: اللهم استرنا فوق الارض وتحت الارض ويوم العرض عليك الجمعة 23 سبتمبر - 11:08
فاطمة الزهراء المدير العام
عدد المساهمات : 1508 السٌّمعَة : 249 تاريخ التسجيل : 15/06/2011
موضوع: الهم استرنا فوق الأرض وتحت الأرض ويوم العرض الجمعة 23 سبتمبر - 20:57
الرئيسية 
موضوع: اللهم استرنا فوق الارض وتحت الارض ويوم العرض عليك 
الجمعة 23 سبتمبر - 5:42
