مايحدث شىء مستفز

حقيقى استفزنى لما شفت الجدار اللى بتبنيه القوات المسلحة امام السفارة الإسرائيلية معرفش ايه المقصود من كدا ايثارت الشعب مرة تانية ولا إهانة الشعب ادام العالم وإهدار كرامته
الوقت اللى تركيا بتطرد السفير الإسرائيلى من بلادها إحنا بنكرمه ونحميه
السور ده زى اللى بتبنيه اسرائيل للفلسطينين
العامل اللى بيبنى السور مستاء من كدا بس لقمة العيش بتفرض عليه طاعة مرؤوسيه بيقول بدل بناء سور زى ده مكلف جداً نبنى بيوت للناس اللى تحت صخرة المقطم اللى ممكن تقع عليهم فى أى وقت ولا نعمر أى حاجة تانيةزى المناطق العشوائية اللى سكانها تحت الصفر
على العموم ولا الف سور يمنع غضب الشعب المصرى وزى احمد شحاته ما طلع لغاية الدور السادس أو السابع والعشرين هيطلع هو أو غيره هذا السور
خسارة يا مصر يا أغلى اسم فى الوجود بس عندى أمل فى ولادك هم اللى هيطهروكى من المنافقين اتباع النظام السابق والموالين لإسرائيل

» مايحدث بسوريه الان