تمارين السكوات لنحت وشد المؤخرة والارداف..اتعلميها معانا

تمارين السكوات لنحت وشد المؤخرة والارداف..اتعلميها معانا
تمارين السكوات يمكن يكون في منكم سمع عنها لانها انتشرت اوي في الفترة الاخيرة وللي ميعرفهاش التمارين دي هي اللي بتقوي عضلات الرجل والفخدين والمؤخرة ومفعولها رائع جدا على منطقة المؤخرة والارداف بتشدها وبترفعها وبتنحتها وبتعمل Shape تحفة للجسم حتى في فنانات كتير بقوا بيهتموا بالتمارين دي اوي وبدأت تبقى حاجة اساسية في حياتهم وغيرت شكل جسمهم خالص زي كيم كارديشيان وجينيفر لوبيز وبيونسيه وشاكيرا وغيرهم كتير طبعا كلنا بنشوف اجسامهم تحفة ومنحوتة ازاي طبعا ده لانهم بيهتموا بالرياضة جدا في حياتهم اليومية, وهي ليها فوايد تانية كتير غير تكبير المؤخرة والارداف هنتعرف عليها مع بعض, وجيبنالكم كمان مجموعة من تمارين السكوات بالصور والفيديو عشان نتعلمها مع بعض واحدة واحدة هي سهلة جدا ومش محتاجة مجهود ولا وقت بس اول كام يوم عشان لسه مش متعودة عليها يمكن تحسي انها صعبة عليكي لكن بعد اول 3 ايام هتحسوا انها بقت بسيطة بالنسبة لكم وهتعملوها بكل سهولة وهتبقى من روتينكم اليومي.
– تعالوا نعرف مع بعض الاول فوايد تمارين السكوات للجسم:

1- من اول فوايد تمارين السكوات انها طبعا بتقوي عضلات الرجل جدا ومش بس كده هي بتقوي عضلات الضهر وبتساعد على علاج اي الم في الضهر او في الجسم اللي بينتج عن القعدة او الوقفة لمدة طويلة وبتلين عضلات الركب وبتحمي من هشاشة العظام وبتقوي عضلات الجسم بشكل عام وبتشد كمان عضلات المعدة وبتحسن من مشيتك وشكل جسمك.

2- لكل اللي عندهم مشكلة السليوليت تمارين السكوات هتساعدك انك تتخلصي من السليوليت بسهولة جدا لان حركة شد العضلات اللي بتعمليها في التمارين بتخلي الدم يتدفق في الجسم وبيحسن الصحة والدورة الدموية, فلو عايزة تتخلصي من السليوليت بشكل نهائي واظبي على تمارين السكوات وهتشوفي نتايج مذهلة.

3- لو عملتي التمارين كتير هتساعدك على التخسيس جدا لانك بتحرقي سعرات حرارية وانتي بتعمليها بتحرق تقريبا حوالي 70 سعرة حرارة للعضلة واحدة يعني تقريبا 500 سعرة حرارية لمجمل العضلات كلها.

4- من اكتر الفوايد اللي انتشرت بسببها التمارين دي هي تكبير المؤخرة والارداف وشدها تمارين السكوات من اكتر التمارين الفعالة جدا في نحت المؤخرة وشدها وتكبيرها وهي في نفس الوقت بتخلصك من اي دهون في المؤخرة لان التكبير بيعتمد على العضلات مش الدهون.

5- تمارين السكوات ليها فايدة صحية مهمة جدا انها بتحسن عملية الهضم في الجسم لان الحركات اللي بتعمليها في التمارين بتساعد على تدفق السوايل في الجسم وده بيخلي جسمك يتخلص من اي سموم وبيسهل عمليه الهضم.
– دلوقتي تعالوا نشوف مجموعة من تمارين السكوات:

بس قبل التمارين اعملي احماء شوية قبل ما تبدأي, ومتستخدميش اوزان تقيلة في بداية التمارين ممكن تستخدمي الاوزان بعد ما تتعودي على التمارين, وطول ما انتي بتعملي التمارين حافظي ان ضهرك يكون مستقيم, انزلي واطلعي ببطء وانتي بتعملي التمارين.
1- التمرين الاول:

التمرين ده ممكن يتعمل باكتر من طريقة ممكن تعمليه بتغيير حركات الايد يعني ممكن تعمليه وانتي ماده ايدك قدام او بضم الايدين جنب بعض او ممكن تعمليه بوزن بس زي ما قولنا متستخدميش اوزان في بداية التمارين خلي الاوزان بعد ما تتعودي على التمارين.

2- التمرين التاني:

التمرين ده بردو ممكن يتعمل بطريقتين بوزن ومن غير وزن, وبالنسبة للاوزان لو انتي هتعملي التمارين في البيت مش في الجيم فاكيد مش كلنا طبعا عندنا اوزان في البيت ممكن تستخدمي بدالها ازازة مية مليانة هتديكي نفس النتيجة.

3- التمرين التالت:

التمرين ده ممكن تعمليه بكورة او من غير كورة لو الكورة مش متوفرة عندك بردوا اعمليه من غير كورة.

4- التمرين الرابع:

التمرين ده بتنزلي فيه وبعدين تفردي جسمك وتنطي وانتي بتنزلي لتحت وتتحركي من اليمين للشمال وانتي بتنطي وترجعي تاني من الشمال لليمين بنفس الطريقة ومننساش نبقى فاردين ضهرنا اثناء التمرين.

- التمرين الخامس:

التمرين ده زي التمرين اللي فات بس بدل ما بتنطي للجنب او من اليمين والشمال بتنطي من ورا لقدام.

6- التمرين السادس:

التمرين ده ليه طريقتين الطريقة الاولى انك بترفعي رجلك في التمرين وتبدلي ما بين الرجل اليمين والشمال والطريقة التانية بانك بترفعي الجزء اللي تحت من جسمك من غير ما ترفعي رجلك.

- التمرين السابع:

التمرين ده بردو ممكن يتعمل بكذا طريقة يتعمل برفع الرجل وانتي ساندة بركبك على الارض وده بيتعمل بطريقتين بردوا هو انك ترفعي رجلك بزاوية 90 درجة وبعدين تفرديها بشكل بسيط والطريقة التانية بانك بتتني الرجل على قد ما تقدري والطريقة التانية ليه انك بتعمليه وانتي واقفة.

8- التمرين التامن:

التمرين ده ممكن تعمليه على كورة وبردوا لو مش متوفرة عندك ممكن تعمليه على كرسي او ترابيزة يكون ارتفاعهم منخفض .

9 ـ - التمرين التاسع:

في التمرين ده بتقفي وتحطي وراكي كرسي او ترابيزة بردوا ارتفاعهم منخفض وتبدأي تنزلي على الكرسي من غير ما تقعدي عليه يادوب تلمسية بس.

ده فيديو كمان هيوضحلكم اكتر بعض التمارين اللي احنا نزلنا صورها:

كده نكون خلصنا مجموعة التمارين بتاعتنا اخر حاجة هنديكم جدول متحدد فيه عدد العدات اليومية للتمارينعشان نسهل عليكم التمارين الجدول لمدة شهر مكتوب فيه عدد مرات التمارين يوميا وكل يوم بيزودلك عدد المرات لحد اخر الشهر.

جمالك بأيديك أنتى وممكن تكونى ساحرة ينظر لكى الجميع بأنبهار ويودوا أن يعرفوا السر وراء ذلك ..

11:08:53

» اضحك معانا
» تمارين تساعد على حرق دهون الفخذين
» تمارين الارجل
» تمارين شد الصدر
» تمارين الظهر بالفيديو