عدد المساهمات : 4925 السٌّمعَة : 344 تاريخ التسجيل : 26/02/2011
موضوع: يعني إيه اخوات ؟؟؟ الأربعاء 26 أغسطس - 17:29
يعني إيه اخوات ؟؟؟ أختي أو اخويا يعني ضهر اتسند عليه وقت الشده.... يعني حد يسمعني من غير ما يتضايق ولا يتأفف ولا يزهق ولا يمل.... يعني حضن وطبطبه ودرعات مفتوحه في وقت ضيق وخنقه ....... يعني ناس عارفين طباعي وشاربينها وبالعينها وفاهمين اولي من اخري ... ولاحد في الدنيا فاهمني ولا حافظني زيهم.... يعني عشره عمر ع الحلوة والمره ..... يعني ظروف صعبه مرينا بيها سوا وعديناها سوا...... يعني أربعه حيطان عشنا جواها واتنفسنا نفس الهواء ونمنا نفس النومه واتعاقبنا نفس العقاب واتربينا نفس التربيه .... يعني ممكن نختلف في الطباع وممكن نتخانق ونمسك في بعض وياما ضربنا بعض وإحنا صغيرين زي كل العيال بس في الآخر في أم واحده وآب واحد كان يضمنا ويقلنا مالكوش غير بعض.... يعني إيه أختي أو اخويا يعني انا....... يعني إيه اخوات يعني لغايه ما أموت أنا مش وحيده وعندي عزوه في الدنيا ..... اخوات يعني إخلاص وحب مجرد من اي مصلحه......