الله أكبر

حدوته مصريه :
كان ياما كان في سالف العصر و الأوان,كان في راجل طيب و غلبان اسمه عثمان
عثمان و مراته كانوا عايش في كوخ صغير جنب البحر,و كان كل يوم يصطاد سمك,و مكانش عنده غير سنارة و سلطانية.قرر في يوم هو و جاره علي انه يشتغلوا بحارة علي سفينة,خد السلطانية في شنطة و ركب السفينة و مشيت السفينة.فجأة,حصلت عاصفة قوية,رياح شديدة و أمواج عالية و فجأة عثمان الطيب الغلبان وقع في البحر و شنطته في دهره.فضل يعوم يعوم يعوم,و يعوم يعوم يعوم,لحد ما وصل لجزيرة كبيرة في وسط البحر.من كتر التعب نام عالرملة و فجأة,اتنين عساكر صحوه من النوم,و قالوله,انت مين و جي منين؟عدو ولا حبيب؟رد عليهم عثمان بكل رعب"حبيب حبيب",ردوا عليه"عدو و لا حبيب,انت شخص غريب,و لازم نوديك لملك الجزيرة."و خدوه علي قصر الجزيرة و دخلوا بيه علي ملك الجزيرة.ملك الجزيرة سأله"انت مين و جي ليه,و الشنطة دي فيها ايه؟" عثمان الطيب الغلبان حكاله الحكاية كلها,و لما فتح الشنطة طلع السلطانية من الشنطة للملك,الملك اندهش و انبسط جدا,"شوفوا يا شعب الجزيرة,عثمان الطيب الغلبان اداني هدية تاج,تاج الجزيرة!أنا هديلك كنوز كتير من خزنة الجزيرة ,جواهر و ألماز كتيرة,يملوا سفينتين.و رجع عثمان الطيب الغلبان من غير السلطانية لكن بسفينتين مليانين كنوز.جار عثمان الطيب الغلبان شاف الكنوز دي كلها,و عثمان حكاله القصة كلها,و ان الملك خد السلطانية في مقابل كل الكنوز دي.راح فكر علي مع نفسه,يعني الملك ادي عثمان كل الكنوز دي عشان سلطانية,طب ممكن يديله ايه لو جاب للملك كنوز كتير؟أكيد خزنة الجزيرة مليانة كنوز أغلي من اللي هيديهاله.راح ملي سفينة بالكنوز و راح عالجزيرة.و دخل قصر الجزيرة و قابل ملك الجزيرة,"انت مين و جي ليه؟" رد عليه انه حبيب و انه جي عشان يهدي ملك الجزيرة كل الكنوز اللي معاه.الملك انبسط جدا من كمية الكنوز,فضل يفكر يكافئ علي ازاي,رد علي علي"انا فكرت و قررت,انا هكافأك علي كل هداياك باني ههديك تاااااااج الجزيرة."رد علي بصدمة شديدة"السلطانية؟!"
و رجع علي و معهوش غير السلطانية
نتعلم من القصة دي ايه؟ ان بالطمع يقل ما جمع,و ان لو باب اتقفل في وشك,ربنا بيفتحلك ألف باب
شكرا
وتصبحوا على خير وأحلام سعيده

عاوز كمان حدوتة
وانتى من اهل الخير

لااله الا الله محمد رسول الله

» شرح وفوائد من حديث :[ إذا قال المؤذن الله أكبر الله أكبر فقال أحدكم الله أكبر ... ]
» الله أكبر الله أكبر الله أكبر ولله الحمد
» الله أكبر ، الله أكبر الله أكبر ، الله أكبر أشهد ألا إله إلا الله أشهد ألا إله إلا الله أشهد أن محمداً رسول الله أشهد أن محمداً رسول الله حي على الصلاة، حي على الصلاة حي على الفلاح، حي على الفلاح الله أكبر ، الله أكبر لا إله إلا الله
» الله أكبر الله أكبر
» الله أكبر على شعب مصر