من روائع صلاح جاهين

مرات أفوق و يحل عني غبايا
و أفتكر إني فهمت كل الخبايا
و افتح شفايفي عشان أقول الدرر
ما قولش غير حبة غزل في الصبايا
و عجبي. ..
يا باب يا مقفول .. إمتي الدخول
صبرت ياما و اللي يصبر ينول
دقيت سنين ... و الرد يرجع لي : مين ؟
لو كنت عارف مين أنا كنت أقول
عجبي !!!
أنا قلبي كان شخشيخة أصبح جرس
جلجلت بيه صحيوا الخدم والحرس
انا المهرج , خفتوا ليه, قمتوا ليه
لا في ايدي سيف ولا تحت مني فرس
وعجبي
ولدي نصحتك لما صوتي اتنبح
.. ما تخافش من جني ولا من شبح
.. وان هب فيك عفريت قتيل اساله
.. ما دافعش ليه عن نفسه يوم ما اندبح
.. وعجبي
يأسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة
وعجبي لقيت الصبر مر وبرضه اليأس مر
عجبي
****************

**********************

» من روائع صلاح جاهين
» علي اسم مصر كلمات الشاعر صلاح جاهين‏
» من روائع نزار قبانى
» فيلم صلاح الدين كامل
» صلاح سليم خبير علاج الشعر با كيراتين والحرق