التوبة التوبة

التوبة

يالله جيتك وذنبي متعبن حالي *** عبدك رجاء رحمتك كفرله ذنوبه
أنت الذي لا إله إلا انت ياالعالي *** أنت الذي تهدي اللي ظل لدروبه
فريت انا بالحياة وزينها البالي *** وأصبحت لأبليس وأهل الغي ألعوبه
واحيان يالله عقب موت وهذلاني*** تبعت سنة نبي الله محبوبه
ياسيدي من قبل قصاف الأجالي*** يسر دروب العفو ياقابل التوبه
يالله ياغافر المعطي التواب يالوالي*** تقبل ضعيف ذليل كثرت اعيوبه
خليت لأجلك نعيم كان يحلالي *** بدالتها بجنة يالحلو مشروبه
يالله جيتك وذنبي متعبن حالي *** عبدك رجاء رحمتك كفرله ذنوبه
أنت الذي لاإله إلا أنت يالعالي*** أنت الذي تهدي اللي ظل لدروبه
ابيك ترضى عليه وتغفر اعمالي*** يوم اهل الكفر بالنار مكبوبه
يوم الفضيحه ويوم فيه الأهوالي*** تشوف كل الخلايق منه مرعوبه
ياسيدي من قبل قصاف الأجالي*** يسر دروب العفو ياقابل التوبه
يالله تغفر خطاي وترحم الحالي*** عبد ضعيف تعب من كثرة ذنوبه
لو دار وقتي علي وماتهيالي *** تبقى لي الغافر اللي يقبل التوبه
---
وش ورا الموت
الموت هين والبلا وش ورا الموت
يوم الحساب يهون سهم المنايا
باكرنموت وتصبح قبورنا بيوت
عقب القصور بضيقات الرزايا
في جوف الأرض وكل من حولك سكوت
وتعاقبن بالقبور عوج الحنايا
يارب يامنجي نبيك من الحوت
سترك وعفوك يوم كشف الخفايا
باكر لياجينا على داعي الصوت
شيبان واطفال وشباب وصبايا
ندعي وحنابين باكي ومبهوت
ورحنا لها ننقاد مثل السبايا
يارب تهديني قبل لحظة الفوت
وتغفر ذنوبي ياكريم العطايا
اشكيك هم داخل الصدر مكبوت
وايامي اللي بالخطايا ملايا
أن لاذ بك من كان طايع ومبخوت
في من يلوذ المرتكب للخطايا
يارب ياقادر على كل طاغوت
لاياقف اللي وحدوبك خزايا
رحماك لامنا صحينا من الموت
واليا وقفنا عند بابك عرايا

» دعاء التوبة إلي الله
» هل يقبل الله التوبة وان تكررت
» التوبة قبل الموت الذى يأتى بغته
» دعاء التوبة, من يقرأه يغتسل من الذنوب