عدد المساهمات : 4925 السٌّمعَة : 344 تاريخ التسجيل : 26/02/2011
موضوع: بحبك يا مصر الجمعة 10 فبراير - 0:03
الإخوة الكرام والأخوات الكريمات إرتجلت هذه الكلمات من ردا على موضوع أعجبنى عن حب مصر وأتمنى أن تنال شيئا من رضاكم وقبولكم
بحبك يا مصر
أنا يامصر حتة منك لوسألونى يوم عنك هقول دى أمى وأمك ولو بعدت يوم عنك الشوق يحدفنى لحضنك ******** بحبك على الرغم إنى كنت عايش فى سجنك بنوه ولاد الديابة وحطو فيه الغلابة وبقيتى يامصر غابة وموال على الربابة بيقوله المداحين يروى العطشانين ويزيد فينا الحنين ونشتاق لريحة الطين ******** بحبك يابلد الشغالة حرفيين ونا س عتالة يغنو الهمة يا رجالة ما تصبح يا حر عالة ******** بحبك سواقى بتدور ترمى الشوق للبحور وتطرح غناوى زهور وتخلى القمر يدور ******** بحبك فى السمسمية ونسمة فى البدرية وفلاح فى الفجرية يشق الأرض المروية ********* بحبك صبية بتتغندر ضحكتها زى السكر وعم عطية بيكركر ويقول شيئ ومقدر ******** بحبك نيل بيروينا وبخيره عمال يهدينا وعم خفاجة يقول لينا رضاك يارب علينا ********* بحبك غنوة فى المواويل وضى سارح من القنديل وع الدوار يقول قنديل عاشق يابنات النيل *********** بحب ترابك يحنينى وسدك رزق بيعطينى وطيبة دايما تخلينى اقول بحبك يانور عينى *********** بحبك سطر فى الكراس يشعل دايما قلوبنا حماس يقول العلم هوا أساس يعلى مكانك بين الناس ********** بحبك تاريخ عظيم ومجيد بحبك فرحة فى يوم العيد وبقول دايما هاييجى أكيد ونشوف يامصر عصر جديد نشوف أمل بيبدر خير وخيرنا ما ياخده الغير ونهضة ورزق علينا كتير يمسح دمع كل فقير حلم بحلم بيه ليلاتى وأمل بقوله لكل خواتى الخير جى فى الزمن الآتى حلم نفسى أشوفه بحياتى
رجل من زمن جميل المشرف المميز
عدد المساهمات : 3688 السٌّمعَة : 453 تاريخ التسجيل : 03/03/2011
موضوع: رد: بحبك يا مصر الجمعة 10 فبراير - 6:25
فاطمة الزهراء المدير العام
عدد المساهمات : 1508 السٌّمعَة : 249 تاريخ التسجيل : 15/06/2011
موضوع: رد: بحبك يا مصر السبت 11 فبراير - 19:49
مصر ستظل ام الدنيا رغم انف الحاقدين ومع كل ازمة ومشكلة نكتشف بعدها اننا نحبها كثيرا هى الأم الكبيرة التى لا غنى عنها عاشت مصر لنا بحبك يا مصر ******************************
الرئيسية 
موضوع: بحبك يا مصر 
الجمعة 10 فبراير - 0:03
