يا مصر ام الدنيا

يا مصر

مين اللي قدر يأما يطفي قناديلك
مين اللي قلبوا حجر
وبيكي غدر
وعكر نيلك
مين بعدي يا أمي
راح يغنيلك
مين يا أمي
ح يمسح دمعتك
وأنتي في شدتك
وكترت مناديلك
شدوكي من شعرك
ورموكي علي أرضك
رغم توسيلك
وأنتي بتصرخي
والصرخة مكتومة
والهمة مهزومه
ما تشدي بقي حيلك
ولادك هما أولادك
وأهلك هما حسادك
وصبرك نافد الحيله
قومي ولعي القناديل
وأغسلي وجهك بطمي النيل
وغني معايا ياليل يا ليل
وأزرعي قلبك بعود أخضر
دا الشبل لسه بيتمخطر
وراح عليكي بيتمنظر
وده من كتر تدليله
اهو راح يبكي بأعلي صوته
وبكاه ملهوش دليل
علي الأوضاع
علي الأوجاع
والدمع نازل سيل
ما عشنا من بعدك
علي ترابك
علي أرضك
علي الشوق اللي طول عمره
بيندهلك
وأنا يا أمي
بأرجعلك
أبوس ايدك
أبوس خدك
ما أنا أبنك
ورغم كل ما عملته
من عصيان
من تخريب
من هذيان
من أي كلام أنا قلته
ما أنا أبنك
حطيني
جوا الفرن
وأحميني
بحتة فحمة أكويني
لو ح يخليكي ح تقومي
وتقفي من تاني
علي رجلك
ما أنا أبنك
اللي طول عمرك
عايشه وبتحلمي يكبر
علي أرضك
وفي حضنك
ما أنا أبنك
سامحيني
وخليني
أردلك الجميل
وأرجعك كما الأول
وانتي البدر اللي بينور
وعلي الحرية بندور
فأنا عصياني مش ليكي
انا بدي أوريكي
مين هما شباب النيل

» حديثنا هنا هو عن الدنيا ...ماهي الدنيا ؟؟
» مصر أم الدنيا
» مصر أم الدنيا
» غريبه الدنيا
» الجد العجوز (الدنيا سلف و دين)