ايه اتغير فيك بعد الثورة ؟!! بتحب مصر؟!! تعالى هنا شاركنا أدخل

بسم الله الرحمن الرحيم

السلام عليكم

أولاً أشهد الله وملائكته الرقيبين عن يميني وعن شمالي ..

أني أحبكم في الله ..

وأنني أحب بلدي مصر

وأحب كل الوطن العربي والإسلامي وأحب الإنسانية جمعاء ..

ولا أكن بحقد أو كره أو ضغينة أو بغضاء لأي شخص أياً كان

سوى من تعدى على حرمة من حرمات الله ..

أما بعد؛

كل واحد فينا شارك في ثورة 25 يناير بمصر

سواء شارك بنفسه فيها وتحمل تبعاتها أو حتى شارك فيها بقلبه أكيد تغيرت فيه أشياء معينة

هذا الموضوع لمن يحب هذه البلد العظيمة مصر

أود أن نجمع الأفكار في هذا الموضوع والتي يمكننا بها النهوض بمصرنا الحبيبة

في أي مجال ممكن ..

هناك العديد من الأفكار أكيد في رؤسكم كانت في السابق محض خيال

بسبب القيود والظلم والفساد

نريد هذه الأفكار أن تتجمع هنا ونصل معاً إلى أفكار ننهض بها بأنفسنا وبأوطاننا الغالية ..

يا ريت محدش يبخل على مصر ..،

مع تحياتى لكم جميعا

الادمن

بسم الله الرحمن الرحيم

السلام عليكم ورحمة الله وبركاته

بجد احنا كنا محتاجين اوى للثورة دى
البلد كان حالها رايح فى ستين داهية
ظلم فساد نهب فقر جهل بطالة
تعليم مفيش طب مفيش ديمقراطية مفيش
عدالة مفيش حرية مفيش حقوق انسان مفيش
مش عارف كنا حنعيش ازاى فى البلد دى لومكتش قامت الثورة
الحمد لله الواحد دلوقتى يقدر يفتخر انه مصرى و عنده كرامة
و ان شاء الله المستقبل افضل بكثير لمصر

بسم الله الرحمن الرحيم
السلام عليكم

ياريس كل دوله فى العالم فيها الفقير والغنى مع انى لم ارى بحياتى كلها 33سنه لم ارى احد جالس بجحر فى مصر كما تقول

حبيبى روح القاهرة وشوف الحى الخامس و شوف الرحاب وشوف التجمع الخامس والقصور اللى فى وشوف الشروق وشوف حى الاشجار

كل مدينه من دول ملاكها فوق المليون نسمه وتقول لى ناس عايش فى جحر

اموت واعرف ليه بتكتبوا هذا الكلام خسارة والله انا لما اشوف مذيع فى التليفزيون ولا مقاله فى النت تكتب هذا الكلام على مصر بتجنن

وللاسف مش عاوز اتكلم اكثر من كده احتراما لقوانيين المنتدى .

ارحمونا من هذا الكلام لو حتى صحيح فهى نسبه لا تذكر بالنسبه لعدد الشعب ما نقول 50 % عايشين تحت خط الفقر ولا ايه
اخى الكريم
لن اطيل معك الجدل فى نسبة عدد الفقراء الى اجمالى الشعب فهذه أشياء من الصعب عليك ان تلمسها انت كسائح يأتى للاستمتاع!!
لكن خلاصة القول ان الفقر ليس شيئا سيئا ولو كانت الحكومة فقيرة كباقى الشعب نتيجة لقلة موارد الدولة لكان شيئا عاديا
ولكن المشكلة اخى الكريم فى الفساد وما تبعه من استنزاف موارد الدولة فى التفاهات
والمحافظة على كرسى الحكم ولو ضاع الشعب وأكل الفقراء من صناديق القمامة

فى الحقيقة انا لا أجد مشكلة فى الفقر وإنما المشكلة الاكبر فيما يعانيه الفقراء من العيش فى أماكن قذرة وملوثة ..
لا يمر عام أو اثنين حتى افقد مريضا من اقاربى او معارفى بسبب مرض السرطان والذى انتشر فى مصر بسبب أهمال الحكومة للزراعه ومياه الشرب وارى كم يعانى هذا المريض جسديا وماديا حتى يلقى ربه .. فما بالك إذا كان هذا المريض من اسرة فقيرة ولا يجد ما ينفق؟

فى المرة القادمة عندما تأتى الى مصر وتذهب الى الاسكندرية .. اسأل عن المناطق الفقيرة والق نظرة وعندنا تذهب الى مارينا والعين السخنة تحدث مع العاملين هناك وليس مع نزلاء الفندق .. وستعرف حينها ما هى نسبة الفقر فى مصر

تحياتى

بسم الله الرحمن الرحيم

السلام عليكم

مع كل احترامى لك اخى بس انزل الريف المصرى وانت تشوف
انزل الاماكن الشعبية فى القاهرة وانت تشوف
امشى فى شوارع القاهرة وانت تشوف
اقف على المخابز وانت تشوف
روح اقاسم الشرطة وانت تشوف
حاول تخلص ورقه من احد فى المرور وانت تشوف
حاول تشترى سيارة اجرة او نقل تشتغل بيها او تشغلها وانت تشوف
اركب المواصلات العامة وانت تشوف
شوف قصور وفلل الناس المسئولين
شوف اللى حصل فى الانتخابات وشوف التضليل والغش والتذوير وشوف احمد عز وهو بيستفز الشعب المصرى والمرشحين
انا متغرب زيك بالضبط والحمد لله بنزل مصر كل سنة ثلاث مرات بعيش فى مصر اربع شهور فى السنة وكنت حاسس لو بطلت سفر مش هلاقى اكل الوقت انا فعلا بفكر فى التقاعد لانى حسيت انى ممكن اجتهد واحصل مقابل اجتهادى اما زمان كان صعب فى ظل المحسوبية والغش الثورة رجعت كرامة المصرى بره فعلا ولو كنت انت انسان حافظ كرامتك زى كتير من المصريين فى الخارج بس مش كفاية لان نظرت الناس لك هى الى تغيرت وليست نظرتك لنفسك احنا كنا بنعتز باننا مصريين ولكن الشعوب الاخرى وخصوصا العرب منهم عرفوا من هم المصريين الان وانا شعرت بها فعلا بمجرد عودتى الى من مصر
واخيرا لنعمل جميعا على حب هذه البلد الجميل الراقى ونسعى لنجعله فى مقدمة البلاد وليبدا كل واحد منا بنفسه.

بسم الله الرحمن الرحيم

السلام عليكم

أخوانى الكرام انا يمكن منزلتش المظاهرات لسببين :
أولا شغلى عشان و ده ممكن تقولوا انه تقصير منى
ثانيا لما حصل حظر التجول كنا بنقف كلنا بالليل عشان نحرس الشوارع و البيوت
و ده حسسنى انى لى دور فى اللى حصل
و ساعتها حسيت انى فعلا اشتركت فى التغيير و فى الثورة
و اللى اتغير فى حاجات كتير
منها على الأقل انى بكتبلكم دلوقتى
يعنى لو من شهرين الموضوع ده اتكتب عن اننا عايزين افكار عشان نرفع من مصر
كنت حكبر دماغى و أقول الناس اللى فاضيه تكتب و فى الأخر مش حيتاخد برأيها
لكن دلوقتى خلاص الواحد حاسس ان البلد بلده بجد
و تستاهل اى مجهود ممكن يبزله عشان خاطرها
لو من شهرين قالوا ان فيه انتخابات رئاسية و ان الرئيس هيسيب الحكم
انا مكنتش حروح انتخب لأنى كنت عارف انها رايحه لعلاء مبارك
بس دلوقتى خلاص انا عارف ان صوتى بقى مسموع و حيأثر فى اللى احنا هنختاره
و بقول احنا المصريين ولاد البلد دى
خلاص من انهارده الكل بقى إيجابى
كفاية اللى شفناه من الشباب لما جهاز الأمن غاب عننا
وقفوا و قالوا احنا فى نقدر نحمى بلدنا من غير الشرطة
تخيلوا ان ناس مجرمين معانا فى الشارع كانت بتقف معانا عشان نحموا بعض ؟!
واحد مجرم زى ده ايه اللى خلاه كده غير البطاله اللى هى كانت من اسباب الفساد
من انهارده خلاص مبقاش فيه فساد ولا محسوبية
كلنا شايفين و عارفين حقنا
و مش هنستخسر حاجه على مصر
و بالنسبة للناس اللى شايفه ان الدنيا كانت لونها وردى زى فيلم مرجان أحمد مرجان
و ان الشرطة كانت بتعمل عيد ميلاد للمسجونين
فياريت ميبصش من الزاوية اللى هو شايفها
و ميختارش الأماكن الراقية اللى مينفعش يبقى فيها فقرا
و يقول ان الدنيا كانت زى الفل و اننا ملناش حق التغيير
بلاش نبقى سلبيين و نرفض التغيير
دايما التغيير فى الاول بيبقى صعب
لكن فى الأخر الشعب هو اللى كسب و ان شاء الله القادم أحسن
أرجو ان محدش يفهمنى غلط

اما بالنسبه للأفكار اللى ممكن نعملها عشان نغير مصر
أكيد أول حاجه اننا فى اى انتخابات الشورى قادمة اننا نروح و نختار المناسب لينا
و بلاش نخاف من حد طالما احنا فى الطريق الصح
و كل واحد ينضف ايده و بلاش الرشاوى و المحسوبية
و كل واحد يبدأ بنفسه
بلاش نرمى الزباله فى الشارع
بلاش نكسر الإشارة
لازم نحترم القوانين و مبنقاش مجبرين على كده
بلاش نطبق الربع جنيه و نحطه فى ايد العسكرى عشان ميديناش مخالفه
و بعد كده محدش يسكت لظابط لو قالك بطاقتك فين
قبلها تقوله انت كرنيه اثبات شخصيتك فين و بلاش الخوف و السلبية اللى كانت مسيطرة علينا

و يارب مصر اللى جاية تبقى حلوه بينا ان شاء الله
تقبلوا تحياتى

انا بقول أن مصر محتاجه لكم أكتر من الاول

وبنادى على كل مصرى مغترب وبقول له تعالى كفايه غربه هات فلوسك وأعمل مشروع فى مصر لان مصر محتاجه للعمل والانتاج أيدك فى أيدنا نبنى بلدناوهناك
فرصة ذهبية للاستثمار بالفعل..
اللى عايز يعمل قرشين يعملهم فى الفترة اللى جاية لاننا سنرى الانفتاح الحقيقى.
و هنا يجب ان نستغل هذا الانفتاح و هذا المغزى من الموضوع.
يعنى ما افكاركم للتغيير بعد الثورة.

ما افكاركم للحصول على حياة كريمة فى فرصة لن تتكرر كثيرا على ما اعتقد من صعود قوى فى اقتصاد مصر (اتوقع هذا)..

فكروا من الان فى كيفية صنع مستقبل مفيد لك و لاسرتك و لمن حولك حتى تكون ايجابيا بجد.
عن نفسى افكر و افكر و ساصل الى شيئ ما مفيد ان شاء الله و لكن ماذا عن الباقين ؟؟؟
تحياتى لكم جميعا

الادمن

بحبك ولو كانت فيكى العبر..ومالية طريقى بشوك او ابر...
وعايش مشاكلك لحد الشواشى..لكن برضو ماشى..
ومستنى فرجك يجينى براحته..ولسه ماجاشى..
ورجليا تنزف وفيكى بدادى..وادارى الالم ..وف الصبح اعزف بلادى..بلادى

» كل منا له رأي خاص بالحب أدخل هنا وقول رأيك بصراحه..........
» تقرير كامل عن ثورة مصر - للارشيف التاريخي
» صور للحب أدخل شوفها
» هل تحب الافلام القديمه أدخل هنا وشاهد ...
» هديه إلى كل عزيز على قلبي....أدخل هنا