عدد المساهمات : 4925 السٌّمعَة : 344 تاريخ التسجيل : 26/02/2011
موضوع: من هو عمرو موسى ؟ هل يصلح رئيسا لمصر؟ الأربعاء 16 مارس - 2:06
طبعا كلنا عرفنا ان السيد عمرو موسى بعد تنحي مبارك قال هيقدم استقالته من جامعة الدول العربية وناوي يترشح للرئاسه طيب السؤال ليه نرشحه وليه ما نرشحهوش ؟
طيب نرشحه ليه : اصله بيطلع تصريحات وكلام كويس واصغر من مبارك ووسيم عن مبارك طيب ايه انجازته لما كان وزير خارجية مصر (صراحة مفيش حاجه محدده بس هو بيكلم كويس لبق وبقاله سنين في المجال السياسي) طيب ايه انجازاته في جامعة الدول العربية : تصريحات كتير بيندد بيها بضرب غزه وبالعنف في اليمن وبصراحه كان كلامه منمق طب يعني عمل ايه (ما قلنا اتكلم كويس ) طيب بقه ليه ما ارشحهوش : طب نشوف الفيديو وبعدين نكمل
اضافه على الاسباب اللي في الفيديو * انه لايعترف بحرية التعبير طب ايه الدليل انه حول صحافية امارتيه للتحقيق لانها انتقدته وضعف دور جامعة الدول العربيه والمصدر اهو http://www.news-jo.com/hot-issues/ho...-10-38-30.html طب اظن كلنا عايزين وبنطالب بحرية التعبير والرأي
* المالكي يرشو امين عام جامعة الدول العربية عمرو موسى بعشرة ملايين دولار .... المصدر
* حاجه كمان هو صحيح في وثائق عثرت عليها الجزائر انه مصر كانت بتتجسس على مشروع الجزائر النووي بأمر من امريكا وبالرغم من ان محدش جاب سيرته في الموضوع طلع وصرح انه ملوش دعوه وانه عمره ماقابل مسئول امريكي ولا عمره اتكلم في الموضوع ده (اللي على راسه بطحة , كاد المريب ان يقول خذوني ) * مراسلة قناة المنار وهي محجبة رفضت تسلم باليد على عمرو موسى قائله (لا اسلم باليد) فرفض ان يتحدث للقناه
* تعرفوا وقت حرب غزه (الرصاص المصبوب ) كان عمرو موسى بيعمل ايه بيكرم الفنان كاظم الساهر
* طيب هل هو ده الشخص اللي عملنا الثوره ومات مننا اكتر من 400 شهيد ومصابين بالالاف عشان يبقى رئيسنا يا ريت كلنا نفكر كويس قبل ما نرشح لان صوتك هيحدد مصير ولادك وولادي ومصير بلدنا يا رب اعمل الخير لمصر اللهم ولي علينا من يخافك فينا
الرئيسية 
موضوع: من هو عمرو موسى ؟ هل يصلح رئيسا لمصر؟ 
الأربعاء 16 مارس - 2:06
