ادخل واعرف يعنى ايه ربح من النت

السلام عليكم ورحمه الله وبركاته

اخوتى الكرام انا مش هطول عليكم كل اللى هاخده من وقتكم لا يزيد عن خمس دقائق للمبتدئين هنقرأ الموضوع واحده واحده
علشان نهمه كويس ونفهم طرق عمله

يعنى ايه ربح من النت

يعنى تبقى قاعد فى بيتك وشغال ع النت وتعمل شويه خطوات بسيطه كل يوم مع جهد بسيط جدااا وقبل ما اشرحلك طبعا هتعمل ايه لازم تعرف ان النت مش خاتم سليمان والفلوس هتجيلك من الشاشه لا هعرفك ربحك هيوصلك ازاى وبأمن الطرق...

اولا فى حاجه اسمها البنوك الالكترونيه

يعنى ايه بنوك الكترونيه يعنى بنك الكترونى على النت كل تعاملاته على الشبكه العنكبوتيه نفس نظام البنوك العاديه بالظبط ولكن الفرق هنا انه على النت ومعرف به دوليا ومرخض دوليا ومأمن بشتى الطرق والبنك عباره عن سحب وايداع وطرق التسجيل في البنوك سهله جدا كل ما عليك هو ان تفتح حساب جديد وتملئ بيناتك وهذا ما سنشرحه فيما بعد.

نيجى لنقطه انا هربح ازاى ياحج

هقولك يا سيدى الفاضل هتربح ازاى شركات الربح من الانترنت متعدده جدااااااااااا فى المجالات والانظمه وغيرها
واشهرها على الاطلاق شركات ptc وهى اختصار لجمله تعنى الدفع مقابل النقر ومشاهده الاعلانات وسوف نشرح باذن الله جميع الطرق للربح وللشركات عامه.
طيب شركات الربح المجانى دى توصلها ازاى؟؟؟

دى شركات عددها كتر جدااااااااااااااااااااااا وبقا ليها اكتر من نظام

يعنى مش بس بتشوف اعلانات عشان تاخد فلوس ,, دول كمان اخترعو اساليب تانية عشان كل شركة تجذب اكبر عدد من الناس

يعنى مثلا ممكن تدفعلك عشان تعمل اكونت او حساب على شركة معينة وتفضل تفتح الاعلانات اللى فيها لمدة 4 ايام مثلا

وفى طريقة مهمة جداااا وهى طريقة الريفرال referral)

كل ماتسجل نفسك فى شركة بيبقا ليك ريفيرال ودا عبارة عن لينك خاص بيك انتا جوة الشركة دى بيبقا مكتوب فى الحساب بتاعك... الريفرال دا بتستخدمه كدعاية للشركة اللى انتا مسجل فيها وبتاخد فلوس على اى حد يسجل من الريفرال بتاعك

يعنى انا دلوقتى عشان اعرفك على شركات الربح المجانى هديلك ريفرال بتاعى هتفتحه وتدخل على موقع الشركة وتسجل نفسك.... انا كده اخد فلوس عشان انا اللى خليتك تسجل فى الشركة, وانتا لما تسجل ممكن تعمل نفس الكلام, وغيرك وغيرك وبالتالى يضمنو ان عدد المسجلين فى الشركة يزيد والازدحام على الاعلانات يزيد وشركات الاعلانات تدفع اكتر لشركات الربح المجانى

طيب احنا قلنا قبل كده ان معدل الربح مش كتير لانك بتعمل حاجة سهلة اوى,,, عشان كده كلنا بنسجل فى اكتر من شركة ربح مجانى,,, يعنى ممكن تسجل مثلا فى 20 شركة وبالتالى تجمع فلوس اكتر كل يوم ومعدل ربحك يزيد

طيب هل كل الشركات دى هتدفعلك؟؟؟
هى دى المشكلة.. ان مفيش ضمان عشان كده الشركات الصادقة بتبان من الاول ولازم متقاوحش وتضحك على نفسك وتضيع وقتك مع شركة انتا متاكد انها مش هتدفع.... لانك هتسمع شركات بتقول 2 دولار لكل اعلان... طب اعقلها كده عشان تفتح اعلان لمدة 30 ثانية تاخد 2 دولار؟؟؟؟ يعنى 12 جنية مصرى؟؟؟ كنا نسيب شغلنا ونقعد نفتح اعلانات من بكرة

ازاى افرق بين الشركات الصادقة والنصابة؟؟

1- لو الشركة معدل ربحها معقول تبقا صادقة(متتخدعش فى اى شركة تقول انها بتدفع 1 دولار فى الاعلان او اكتر وتصدقها)

2-لو الشركة الحد الادنى للدفع فيها مش كبير اوى يعنى مش 50 دولار مثلا تبقا صادقة

3-بالتجربة.. جرب ولو وصلت للحد الادنى والشركة مدفعتش متحاولش بقا ومتضيعش وقتك

بس طبعا تتاكد الاول انك عملت كل حاجة مظبوط

4-معظم الشركات الصادقة بتنشر صورة لتحويلات الفلوس اللى حولتها للاعضاء كدليل انها بتدفع

5- انها تكون احدى الشركات اللى انا كاتبها تحت فى الموضوع دا (عشان دى على ضمانتى )

طيب ايه بقا الحد الادنى للدفع؟؟؟؟؟؟؟

كل شركة بتعمل حد ادنى للدفع مينفعش تسحب فلوسك من الشركة وتحولها للبنك الاليكترونى بتاعك غير لما رصيدك يوصل الحد الادنى للدفع

يعنى لو فضلت تفتح اعلانات لغاية مارصيدك وصل 1 دولار والشركة الحد الادنى فيها 2 دولار يبقا مينفعش تسحب الرصيد دا غير لما يوصل 2 دولار

لو شركة بقا قالتلك 50 دولار الحد الادنى؟؟؟ تبقا نصاااااابة ومش هتدفع وعاوزينك تفتحلهم اعلانات كتييير قبل ماتكتشف انها نصابة(كل ما قل الحد الادنى يبقا انتا فى السليم) .

وباذن الله تعالى سوف اشرح لحضراتكم طرق الربح الاحترافيه انا من سنتين كنت مثل حضراتكم غير مصدق الموضوع ده تماما لكن حاليا الحمد لله دخلى الشهرى من مجال الربح من الانترنت تقريبا 500 دولار شهريا او يزيد قليلا هذا غير نظام الفوركس والفوركس دا نقره تانيه هنتعلمها مع بعض ان شاء الله والله

اقسم بالله الذى لا إله إلا هو ان ان هذا الموضوع ليس نصب وانك ستجنى المال منه وستربح من الإنترنت مثلى ومثل آلاف الأشخاص قبلى

مع تمنياتى لكم بالنجاح فى حياتكم

أخوكم / الطير المهاجر

» يعنى إيه كلمة وطن ؟
» مبروك افتتاح قسم تعليم الربح من النت
» طريقة تحميل الفيديو من النت الى الحاسوب
» قصة حزينة لفتاة نشرت صورها على النت
» لوعايز زخرفه جاهزها هنا ادخل