ل اعضاء المنتدى

الدفعة نايمة خااااااااالص ليه كدا

ولا حد بقي يكتب مشاركات ولا حد بيرد علي حد

لا عاوزة اشوف شغل عن كدا

وان شاء الله اللي جاي احسن بكتير

فينكم يا اعضاء المنتدى ،،،،،،، ،،،،،

بسم الله الرحمن الرحيم

قال الله تعالى فى كتابه الحكيم

" وَتَعَاوَنُوا عَلَى الْبِرِّ وَالتَّقْوَى وَلا تَعَاوَنُوا عَلَى الإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ "

صدق الله العظيم
***

فكرة الموضوع ده فى بالى من زمان

من قبل الثورة
بس الكسل
و الانشغال
و مش عارفة ايه ......" بتلكك و بطلّع حجج"

لحد مااتعرفت على اخت ربنا يكرمها حمستنى فى موضوعى ده

بجد ياريت الموضوع ده ونعمل حملات فى المنتدى على طول على الاقل نكون بنفيد فى بلدنا

وياريت لو اى واحدة او واحد عنده فكرة لعمل مفيد ونحمل حملة ونكلم فى مواضيع مميزة

عارفين احنا محتاجين مشروع كبير ، المصريين كلهم يلتفوا حوله وينسوا الموضوعات الطائفيه دي فكروا معايا
يجمع كل المتظاهرين ووضعهم فى الصحراء مع كل واحد منهم فأس ويزرعوا الصحراء ..............قمح
و نسأل الله العلى القدير انه يعيننا على تحقيق الخير لبلدنا و اهلنا و اولادنا

أنا كتبت الموضوع ده
لانى قريت خبر ان مخزون مصر التموينى و السلعى على وشك الانتهاء فى غصون شهور
و طبعا اولا و اخيرا دى تقديرات و العلم بالغيب عند الله وحده

الموضوع مش حكر عليا
كلنا بإذن الله حنشارك بافكارنا
و حنشجع بعض

و حتى لو فكرة بسيطة و تطبيقها لن يتعدى باب الشقة ،،، مش مهم قوليها ، و الله حتفيدنا
و اللى يتطبق صح جوا البيت ، حيتطبق صح الصح براه

طيب ايه المطلوب دلوقتى

المطلوب فى الجزء ده و المرحلة دى:
الاستعانة بالله و البدأ بالنفس فقط

ايوا
حنبدأ بنفسنا و بس دلوقتى

يعنى أعمل ايه:
ان شاء الله التزم فى صلاتى و تدينى.
امسك لسانى و اكظم غيظى ان رايت ما يضيق على نفسى.
اجتنب النميمة و الحقد و الحسد.
أدرء الفتنة بكل أشكالها.
أصلح الغلط قدر المستطاع.
اجاهد نفسى على أخطائها.
أشغل وقت فراغى انى اجيب ورقة و قلم و اكتب اى فكرة فيها مصلحة لى او لاسرتى او لبلدى و تعود بالنفع علينا.
حقتصد فى المصارييف ، الله اعلى و اعلم بكرا ايه اللى يحصل.
مش حرمى أكل بايت ولا حشترى ملابس كتير مالهاش لزمة الا المنظرة، ما بقولش نبقى متقشفين... بس المعقول حلو.
جارتى الفقيرة حساعدها من غير ما اجرحها، ان كان عندى عزومة ولا عملت اكل و طلعت الكمية كتير ، حجهز لها طبق و اروح اوديهولها. و مش حنساها فى الاعياد ولا المواسم.
..........الخ منتظرة مشاركتكم

***
طيب انا مش حدخل كل يوم اقول انا عملت ايه حلو او صلحت عيب فيا

صح.. طيب و احنا بنصلح ذاتنا حنكتب افكارنا اللى عايزين ننفذها علشان بيتنا او شارعنا او محافظتنا او القرية او مصر بوجه العموم

لو على اللى بيسمعوا فهم كتير، توكلوا على الله
ممكن يكون معانا عضوة هنا والدها او والدتها مركز مرموق فى الدولة و فى ايدهم صلاحيات لتنفيذ مشروعك او عرضة على المهتمين و المنفذين.

يعنى مثلا لو قلت على فكرة بسيطة حلاقى اللى يسمعنى و ما يسخرش منى؟؟

ان شاء الله
و الفكرة البسيطة دى ممكن يكون كـــــــــــــــــــــل الناس عارفينها الا انا
يبقى انا كدا حستفاد منها
و انتى حتأجرى

يعنى اللى حتدخل و تقول يا جماعة
يا مستخدمى العيش اللى ب 5 قروش
لماتشترى الصبح بربع جنيه عيش، يعنى 5 أرغفة
حطيهم فوق بعض و قطعيهم 4 أرباع
علشان ما ناكلش حته من الرغيف و الباقى يترمى.
و الباقى على طول يتلف فى كيس نظيف و يتشال فى الثلاجة او الفريزر

و ان نسيناه و نشف و ما عرفناش نغمس بيه، نطحنه و نعملة زى بقسماط تتبيل الفراخ و اللحمه او نخلط منه على اللحمه المفرومة و نعملها كفته
و العيش الفينو اللى بييبس و ينشف و يأدد ممكن نعمل منه سطة طحينه، او نعمل منه مضاعف حجم للكفتة.

ما تخافوش ما قلبنهاش قسم تدبير منزلى
بس دى افكار انفذها لوحدى و جوا بيتى
و مش محتاجه لا مصاريف ولا دعم
بالعكس انا لو وفرت فى الشهر اللى هو 30 يوم 10 جنيه فقط

انا الكسبانه طبعا

و هى ال 10 جنيه بتعمل ايه اليومين دول

حقول لك الله لا يكتب عليكى زنقة مادية و لا ضيق فى ذات اليد
لان ساعتها حتحسى بقيمة الجنية مش ال 10 جنيه.

فى كلام كتير اوى

ان شاء الله حكتبه معاكم لما تشاركوا

أكتبوا افكاركم
و ان شاء الله ننفذها كلنا

و ادعوا ربنا يهدينا جميعا
و يحنن قلوبنا على بعض
و يكتب لنا الستر
و يمتعنا بصحتنا
و يرضى عنا

*****

**

عندك حق عزيزتى
والله مش عراف فين الاعضاء
المنتدى فية عشرين عضو
هما فين وفين المشاركة
لو كل واحد بس دخل المنتدى عشر دقائق
لو حتى كتب مشاركة واحدة
يعنى بعشرين مشاركة فى اليوم
فين الهمة وفين العزيمة
عاوزين المنتدى ينجح
وعمرة ما هينجح الا بوجودكم ومشاركتكم
انا كاتب فى المنتدى الاسلامى اكتر من خمس مواضيع من اسبوع
ولا واحد دخل ولا حتى بمشاركة واحدة
يا من هجرت القسم الاسلامى
اين انت
عاوز اكتب ومش لاقى نشاط يشجعنى
اين انتم

غدا الجمعه أول شهر رجب اعاده عليكم بالخير والبركات

» اين ذهبوا اعضاء المنتدى
» صور لمنزل احدى اعضاء المنتدى
» رساله الى اعضاء المنتدى
» لجميع اعضاء المنتدى
» لكل اعضاء وزوار المنتدى