نفسك تتعلم أنجليزى ..............أبدأ معنا

نظامنا هيكون بإذن الله درس وكلمات ,الكلمات هتكون خاصة بالدرس التالي ,عشر كلمات كل يوم (وهقولكم بإذن الله على طريقة مبتكرة وظريفة لحفظ الكلمات) أنا هعتبر أن اللى معايا مفيش حد فيهم يعرف أى حاجة عن الأنجليزى عشان كدا هبدأ من الأول خااااالص زى ما قلت بإذن الله تعالى .....

الدرس الأول الحروف

حروف اللغة الأنجليزية 26 حرف بخلاف اللغة العربية 28 كل حرف له شكلين كابيتل(Capital) وسمول(small) ال(Capital) وهو الحرف الأستهلالى أى ما نبدأ به الكلمة وعادة نبدأ به أسماء الأشخاص والدول والمدن وال(small) نكمل به باقى الكلمة مثال عند كتابة أسم أحمد Ahmed حرف الآيه هو الأول فى أسم شخص لذلك وجب كتابته (Capital) على فكرة ال(Capital) وال(small) نطقهم واحد مفيش أختلاف خالص غير فى الكتابة.....وبالمناسبة الأنجليزى بيكتب من اليسار إلى اليمين
تعالوا نشوف مع بعض بعض الحروف بنطقهم...
__________________________________________________ _
A,a
الحرف الأول ينطق آى ونلاحظ أن( A ) هى الCapital و( a ) هى Small
B,b
الثانى ينطق بيه مع تشديد الباء بحيث لا تخرج هواء من فمك عند نطقها
C,c
الثالث سيه
D,d
دي
E,e
أيه...والهاء تنطق بخفة والتشديد على الألف والياء بعكس A
F,f
إف ...أفتكرها بلما تشم ريحة حاجة وحشه
G,g
جي والجيم معطشة
_____________________________________

تعالوا ناخد بقى كلمات بسيطة على كل حرف من الحروف دى.....

نبتدى بالآى A >>>Animal وأنيمال تعنى حيوان لو تلاحظم هتلاقم أن الAكتبت (Capital) فى الأول و(small) فى الوسط (a)

ثانيا بيه B>>>Babby وهى الكلمة اللى كلنا بنقلها حتى بالعامية با بي أى الطفل الرضيع My Babby أى صغيرى وممكن تعرفوا كلمة تانية بالمرة أكيد حفظتوها خلاص B>>>Big Bang أى الأنفجار الأعظم وهى نظرية الأنفجار اللى نشأ منها الكون بس لاحظوا المرة دى فى مسافة بين الكلمتين لأن دى كلمة ودى كلمة الأولى تعنى كبير والثانية أنفجار مدوى

ثالثا السيه C>>>Cucumber السيه غالبا بتنطق كيه إلا فى بعض الكلمات هنبقى نقول متى بتنطق سيه يعنى الكلمة اللى فاتت هتنطق كيوكومبر وهى تعنى خيار (نبات)

رابعا الدي D >>>Doodle دوودل يعنى شخبطة....أنا عارف ان الكلمات دى مش مهم حفظها فى البداية بس انا حريص أنى أوريكم فى الأول كلمات بتجمع ال(Capital) وال(small) مع بعض, بس لو عايزين نصيحتى متمرروش كلمة من تحت أديكم مهما بدت تافهة إلا وحفظتوها هتلاقم بعد كدا عندكم موسوعة كلمات هايلة....يعنى الكلمات دى مش واجب عليكم النهاردة ...

خامسا الإف F>>>Fluff فلاف يعنى شىء زاغب أو بيغروش العنين.

سادسا الجي G>>>Gang وجانج دى يعنى عصابة.

سابعا صحيح مفيش سابعا!!......أحفظوا الستة دول وبعدين هضاعف العدد بكرة إن شاء الله 12 حرف جداد وبعده بإذن الله نخلص كل الحروف ال 26 حرف....أشوفكم على خير
...............................

.

الله عليكى
هو دا الشغل
ولا محتاجين مدرس انجليزى ولا حاجة
ولا يقول بكام الحصة
ولا يطنط علينا
سلمت يدا عزيزتى
جزاك الله خير

» راح أبدأ من جديد
» كيف تتعلم انجليزى بسهوله
» "لتعيش سعيداً لابد أن تتعلم الرضا "
» اضحك معنا ههه
» أحلى صحبة هنا معنا