Admin الادارة
عدد المساهمات : 4925 السٌّمعَة : 344 تاريخ التسجيل : 26/02/2011
| موضوع: طوبــــى للغربــــــاء الأربعاء 28 أغسطس - 18:47 | |
| يـــــاه مشتقينلك أوي يا رسول الله ! الحــال بقى صعب أوي إحنا تايهين ..تعبانيــــن ..مستضعفيـــن محتاجين لكلمة منك تثبت بيهـــا قلوبنــــا ...محتاجين وجودك وسطنــا أوي تحل مشاكلنـــا .. محتاجينــكـ تذكرنـــا بالجنـــة عشان نصبـــر على اللي إحنـــا فيــــه .. محتاجينكـ تحكيلنا على نعيمهــا اللى حينسينا التعب اللى تعبنــاه فى الدينـــا.. محتاجينكـ تقولنا نربي أولادنــا إزاي عشان يطلعوا رجالة يشيلوا الدين ده على كتفهم زي ما ربيت الصحــابة .... محتاجين نترمــي فى حضنك تطبطب على قلوبنـــا اللي تعبت من كتر الفتـــن ..
إشتقنالك أوي مكسوفين أوي منك يارسول الله عشان احنا مقصرين أوي ...عشان احنا مثلنا نموذج سئ خلى الناس مبقتش تحب الدين ! للأسف أخلاقنا مش زي أخلاقك وتعاملتنا مع الناس مش زي ما علمتنا أبداً !
مش عارف نعتذر عن إيه ولا إيه ولا إيه ! بس لسة في أمل الحمــد لله إن القرآن ما بين إيدينـــا ...الوحــي اللي نزل على قلبك وبلغته لينا وربنــا حفظه لسه الحمــد لله وسطنـــا القرآن اللى حل مشاكل الأمه فى عهدك يا رسولي ..اللى ربيت عليه الصحابة وسقيت قلوبهم بيه فانتصروا وفتحوا الأرض الدستور اللى بنيت بيه دوله الإسلام اللي شهد لها التاريخ !
اللي حكلنا فيه ربنا قصص السابقين وحكلنا فيه الغزوات وحكلنا فيه حال المسلمين وحكلنا فيه دوله اللإسلام قامت إزاي وإزاي اعدائها حاولوا يهدموها حرب النفاق ..حروب السيف .. حرب الفتن كللللل حاجه متسجلة وموجودة
لسه في أمل عشان فى صحوة وسط الأمة ..وفي فئة لسه قابضة على الجمـــر بتحارب عشان تثبت رغم كل الصعاب ! يمكــن نُنصر بيهـــم ...
وعــد مني حصــلح نفسي بجـــد حرجع أعيش كل لحظة في حياتي بالوحي أيــوه بالوحــي حفتح مصحفي حدور على نفسي فى القرآن ..حدور على حال أمتي ..
حلف فيه أشوف إزاي ربنا حطلي منهج عشان أصلح نفسي أيوه كله موجود .. هفكر دايما فى سيدنا إبراهيم وهو بيجادل قومه لوحده وكل قوي الباطل ضده حتعلم منه الشجاعة في الحق ..مش حخاف ..حتعلم منه اليقين وحصبر ...واشوف إزاي اتحط في النار وطلع منها ..عشان أقول لنفسي أوعي تخافى مهما دبروا او خططوا الحق حينتصر ...
حرجع لأحد وأشوف الرماه لما عصوا أمر الرسول حصل إيه ...عشان أقول للكون حواليا إن اللى احنا فيه أعظم انتصار لسنة النبي زي ما حصل فى أحد ...هزيمة أحد كانت إنتصار لسنة النبي عشان نعرف اننا طول م احنا مش ع الطريق مش حننتصر ..
حخرج مع سيدنا موسى وهو هربان بقومه ...المستضعفين أيوه زينا بالظبط .. وهو خارج لا يملك إلا اليقين هو مكنش عارف أصلا حيعمل ايه ..لحد ما خلاص قوم فرعون وراهم قربوا منهم ..قالوا إنا لمدركون ...بس سيدنا موسى يصرخ من قلبه المؤمن كلا إن معي ربى سيهدين ..وقتها يوحى إليه ربنا بوسيله النجاه ...وأنا حقول زيه ومش حخاف من اللي جاي عشان معايا ربنا
وعــــد مني يا رسولي حربّي ولادي على القرآن ...حربيهم على حب الدين ...حعلمهم تكون عقيدتهم أغلى من روحهم ودمهم
طوبـــــــــــــــــــــــــــى للغربــــــــــــــــــــاء
| |
|
رجل من زمن جميل المشرف المميز
عدد المساهمات : 3688 السٌّمعَة : 453 تاريخ التسجيل : 03/03/2011
| موضوع: رد: طوبــــى للغربــــــاء الأربعاء 28 أغسطس - 20:25 | |
| اللهم صلي علي سيدنا محمد ، صلاة تزيل بها عني الهم والغم والحزن والمخاوف والأوهام ، صلاة تشفيني بها من جميع الأمراض والأسقام والآلام ، صلاة تحرسني بها في اليقظة والمنام ، صلاة تغفر لي بها جميع الذنوب والآثام ، صلاة تحفظني بها من نوائب الدهر ، ومن تقلبات اليالي والأيام ، صلاة تسترني بها بسترك الذي من استتر به لا يضام ، يا واهب النور والانعام ، تبارك اسمك يا ذا الجلال والاكرام | |
|