خليكى قاعدة على قلبة

خليكى قاعدة على قلبه

ازيكم ياستات ياحلوين

فى موضوع بشوفة كتير ونفسى اتكلم فية

انا كتير بشوف ستات
من اقل حاجة جوزها يقولها
تروح بيت ابوها

وفى ستات بحس انهم
مش متجوزين
لازم كل يوم يروحوا لاهلهم
وبيباتوا عندهم بالايام

انا بجد بضايق جدا من كدا

لازم الست تبقى عقلة
مش اى كلمة جوزها يقولهلها
او اى خناقة بسيطة
تلم هدومها وتروح عند بيت ابوها

وليه الست تسيب بيت جوزها
وكل يوم تروح عند اهلها
ولا كانها اتجوزت
وكأنها مسئولة عن
بيت
زوج
اولاد

موضوع الغضب دة باة
الرجالة مابقوش زى زمان

رجالة زمان

الست كانت اول ماتروح بيت اهلها وتغضب
من تانى يوم علطول هو اللى يروح يجيبها

ويصالحها ويحايلها
ويقولها احلى كلام رومانسى

ويبقة عايز يعمل اى حاجة علشان يرجعها
ويجيبلها هدايا
علشان توافق انها ترجع معاة

وكانت ست تدلع علية زى ماهيا عايزة
وكانت تتشرط كمان

رجالة دلوقت

الست تقول لجوزها

انا هلم شنطة هدومى واروح لبيت اهلى

يقولها

غورى فى ستين داهية
الباب يفوت جمل

ويبقة مبسوط اوى
وبيبقة هاين علية يقولها يلا امشى دلوقت حالا

ولما تروح لبيت اهلها
تقعد يوم
مايجيش

تستنى اسبوع

مايجيش

تستنى شهر
مايجيش

ولو استنت سنة

بردة مش هايعبرها

دلوقت الست

زى مابتسيب بيت جوزها
هى اللى بترجعله

من غير ماجوزها يعبرها

طب لية الاحراج ده
والرجالة مابيصدقوا

وبيبقوا فرحانين جدا
لانهم طبعا هايقعدوا لوحدهم
مافيش وحدة تزعجهم
مافيش وحدة تقولهم
هات

مافيش وحدة تقوله كنت فين
واية اللى اخرك
بيبقوا مرتاحين اوى

والست بكدة بتدى فرصة لجوزها
انة يعرف ستات غيرها

ويعيش حياته معاهم

وجوزها يبتدى يبعد عنها
ويبتدى يحب الحياة من غيرها
ويتعود على عدم وجودها

وممكن جوزها يزهق منها
ومن كتر غضبها عند اهلها

ويجوز عليها

لية تدولهم فرصة بكدة

لازم كل ست تحافظ على بيتها وجوزها
وتستحمل

لان هيا اللى هاتعب
وجوزها اللى هايرتاح

باستثناء
الست اللى جوزها
بيغلط فيها وبيهينها اوى
ومافيش حل غير انها تروح لبيت اهلها

دة اوكية مسموح لها طبعا
انها تروح بيت اهلها

وماترجعش غير هو اللى يجى لها ويتاسف لها

بس طبعا الرجالة دول خلصوا
انا كتبت الموضوع دة
لانى شفت نماذج كتير من الستات دة
شفتهم بعينى

مثلا

واحدة ست متجوزة كل يوم تيجى عند اهلها

تبات عندهم اسبوع ولا شهر
وتروح بيت جوزها
تقعد يوم ولا تنين
وترجع تانى لبيت اهلها

فى نموذج تانى

واحدة ولا كانها متجوزة

يوميا عند اهلها
وتيجى بليل تروح

دة حتى الاهل نفسهم بيزهقوا

نصيحة لكل الستات

اوعى تسيبى بيت جوزك

خليكى قعدة على قلبه

عارف يابرنس المشكلة فين ؟
المشكلة ان فى ستات بتقول جوزك على ما تعوديه وواحدة تانية تقول هيزعق شوية وبعدين هيتعود على كدا
الستات دى اتجوزت بس علشان ما يتقلش عليهم عوانس
لكن الجواز غير كدا خالص ده حياة تانية ومسؤلية وتربية اطفال تربية صحيحة وسليمة تنفعهم وتنفع المجتمع
اما حكاية كل يوم عند اهلها من المحتمل انهم كبار السن وبتروح تعملهم حاجاتهم وترجع بيتها وده مش عيب ولا غلط المهم تنظم وقتها
نصيحة لكل ست متجوزة..الرجل زى ما بيتعود على وجود الست فى البيت ممكن يتعود على غيابها وساعتها تبدأ المشكلة

لا تعليق !!!

بطلتكم يفوح المتصفح بعبق الزهور
بين حنايا السطور
دمتم ودامت طلتكم

» أوباما يعتذر لكرازي عن احراق مصاحف في قاعدة أمريكية بأفغانستان