ماتفعله أمس تحصده غدا

القصه دى يمكن تكون حقيقيه بس شوفها كده وقلى ايه رايك

كان ياما كان ياسعد ياكرام مايحلى الكلام الا بذكر النبى عليه الصلاه والسلام

فيه أسره متكونه من رجل البيت وهو الديك

وطبعا مراته الست فرخه

وفى يوم فكرت الست فرخه تسيب الديك وتخرج تتمشى شويه كانت بصراحه مضايقه

وكانت كل الفراخ جارتها بتبص عليها ازاى تسيب بيتها وديكها وتخرج لوحدها تتمشى كده

وطبعا الديك رجع البيت وملاقاش ست الفرخه

وكان خايف عليها من الذئب يقابلها

ولا الحيوانات المفترسه تاكلها

والست فرخه ولا على بالها خالص

وهى ماشيه لقيت كلب صغير يتيم بردان عطفت عليه وجابته معها تربيه مع اولادها

لكن الديك فى الاول كان كان غضبان جدا ولكنه لما عرف الحكايه مسك الجرو الصغير وقاعد يلعب معاه، وكان الديك والفرخه عندهم اولاد كتاكيت كتير جدا

وفكرت تراعى اولادها الكتاكيت والكلب
وفعلا ولادها الكتاكيت كبروا وبقوا ديوك وفراخ وكلهم استقلوا بحياتهم واتجوزوا واستغنوا عنها
ومفضلش جنبها الا الكلب ال اصبح لايفارقها وخاصه بعد الديك لما تعيشوا انتم مات وسابها فى عز شبابها
وكان الكلب بيحافظ عليها ومكانش حد يقدر يقرب من عشتها والا كان يفترسه
وكمان كان بيجيب لها الاكل كل يوم

وهنا احست الفرخه بالخير ال عملته زمان لما لقيت الكلب فى عز البرد وكان يتيم
فأعتنت به فى الصغر ولما كبر هو أعتنى بها فى الكبر

وهكذا الايام ماتفعله أمس تحصده غدا بنفس القدر

ها أيه رأيكم فى الحدوته دى حلوة ولا متودته
بتقلوا ايه متودته هههههههههه يبقى عليكم انتم حدوته يلا احكوا حدوته انا منتظراكم ....

ههههههههههههههههه
أنتى لذيذه جدا يا أدمن بتحكى حكايات جميله جدا

على العموم دى تجربه جديده بس ناجحه وجميله استمرى ننتظر جديدك بس عايزين حكايات للكبار مش للاطفال ههههههههههههه
أحسنتى ويسلم أيدك

هههههههههههههههه والله جميلة واجمل ما فيها طريقة سردها مع الصور
كمان يا أدمن ..احكى تانى
هههههههههههههههههه
=================================

بجد حلوة تشبيه كتير من الواقع الى بنعيشه تسلم يدك اختى ادمان

حلوة جدا مش ملتوتة هههههههههه صلحتلك ومعنا ملتوتة جه من الت والعجن ههههههه
تحياتى