الدرس التانى من اللغه الانجليزيه

اكيد بإذن الله أخى الطموح هوصل للمستوى اللى تأمله بس لازم أمر على كل المستويات وربنا يوفقك....

__________________________________________________

H.h
حرف الإيتش
I,i
حرف الأاى لاحظ أن طريقة النطق تختلف عن ال آىA,a ,وال أيه E,e
J,j
حرف الجا بخلاف الجيه G.g
K,k
حرف الكايه
L,l
حرف الإل
M,m
حرف الإم
N,n
حرف الإن
O,o
حرف الأو
P,p
حرف البي بخلاف البيه B,b الB بتطلع هوا من بقك وأنت بتنطقها الثانية مبتطلعش هوا من بقك الولى أسمها بيه تقيلة والثانية بي خفيفة...
Q,q
حرف الكيو
R,r
حرف الآر
S,s
حرف الإس
__________________________________________________

شوية كلمات بقى عليهم:

H<<<High وزى ما انتوا ملاحظين كالعادة بجيب كلمات فيها الحرف (Capital) و (small) علشان يثبتوا فى الذهن..الكلمة دى بتنطق هاى ,ومعناها عالى أو مرتفع المفروض لو أنت مبتدىء تقولى لأ بتنطق هيجه لأ يا سيدى فى حروف لما بتضغم مع بعض بتكون نطق جديد وأول مثال معانا أهه الجى g والإتش h gh لو فى آخر الكلمة لا ينطقوا لو فى وسط الكلمة بننطق فى بعض الكمات الجى فقط والبعض الآخر لا ينطقوا....كل دا هتميزوا أنت بعدين بالخبرة....

I>>>International إنتر ناشونال معناها عالمى ودى فرصة انك تتعرف على أهم الحروف المضغمة فى اللغة الأنجليزية ودى هتقابلك كتير جدا وهى ion وتكتب عادة فى نهاية الكلمات وتنطق شون أو شان ولو سبقها حرف تى فهو لا ينطق...دى كمان هتجيبها بالخبرة.

J>>>Juju جوجو مع تعطيش الجيم ومعناها تعويذة سحرية أو تميمة.

K>>>Kick كيك مع تشديد الياء ومعناها يركل...يشوط يعنى.

L>>>Lollipop لولى بوب معناها مصاصة(قطعة حلوى للأطفال).

M>>>Miming مايمينج تعنى المحاكاة أو أستخدام اليد لشرح معنى معين.

N>>>Noon تعنى الظهر فترة الظهيرة ...نوون.

O>>>Onto أونتو وهى حرف جر بمعنى على.

P>>> Pepper بيبر فلفلة وزى ما اتفقنا بي خفيفة.

Q>>>Queen ملقيتلهاش بصرحة فى مخى كلمة بتجمع الحرف دا مرتين ...المهم الكلمة هى كويين ومعناها ملكة.

R>>>Repair ريباير بمعنى يصلح الشىء ....ودايما لما تلاقم ال Re فى بداية الكلمة اعرفوا انها تجديد أو إعادة شىء يعنى Reload مثلا يعيد تحميل فى حين أن load وحدها تعنى يحمل...إلخ

S>>>Scissors سيسورز بمعنى مقص وخد بالك منطقناش السى C
__________________________________________________
.......................

...

شكرا عزيزتى
شرح سهل وجميل
وكمان درس مفيد وكلمات سهلة
تسلم الايادى

السلام عليكم ورحمه الله وبركاته
أختى بصراحه أذهلنى شرحك للماده الانجليزيه ولقيتنى بحضر أجنتتى وبكتب فيها الدرس
وبذاكر فعلا وبحفظ الكلمات ، أنتى كده هتتبعى معنا طريقه سياسه التعليم من البعد ودى طريقه
فعلا احنا محتاجين لها والله اول شىء بعمله افتح المنتدى واتعلم درس اليوم وأذاكر
وبصراحه كل لما أعوز أسألك فى شىء القيك فى الشرح قلتيه يعنى بلاقى اجابات لكل الاسئله
ما شاء الله عليكى والله واكبر
زيدينا من علم الله أختى
ولكى جزيل الشكر والاحترام،،،،،،،،
أخوكى
عشق القلوب
................

...

اخواتى أشكركم على المشاركه والمتابعه معى بدروس اللغه وسأحاول جاهده أن أبذل قصارى
جهدى فى تعليم اللغه الانجليزيه وأرجوا المتابعه معى والمذاكره أول بأول مع طرح أى أسئله
حول أى شىء يقابلكم فى اللغه وأتمنى أن تجيدوا اللغه بأذن الله تعالى .
.................

...

» تعلم اللغه الانجليزيه بسهولة
» المستوى الثانى فى اللغه الانجليزيه
» تعلم اللغه الانجليزيه بسهولة
» كورس انجليزى ... نساعدك على تعلم اللغه الانجليزيه من البدايه حتى النهايه
» كلمات باللغة الانجليزيه ومعها الترجمه