هنعمل ايه لو متجوزناش ولا أتأخرنا فى الجواز ؟؟؟

هنعمل ايه لو متجوزناش ولا أتأخرنا فى الجواز ؟؟؟؟

السلام عليكم
اللى خلانى اكتب الموضوع دا
ان انا خلاص انفجرت من الحزن والاكتئاب
ومن كتر الحزن مش قادرة احزن
وفكرت هعمل ايه لغايه لما اتزوج يعنى هفضل عايشه فى حزن وأكتئاب كبير الى ان يحين موعد زواجى
يعنى انا كده كده عايشه كل يوم باذن الله
هفضل حزينة الى ان يتم زواجى

طبعا الحزن منقدرش نلغيه من حياتنا

لأننا خلقنا فى كبد ولكن الحزن الكبير جدااااااااا نتعامل معاه ازاى

وانا قررت انى اواجه حزنى واكتئابى الكبيردا وهقلكوا ازاى؟؟؟؟

اولا اى بنت بعد ما تكون خلصت دراستها بتكون مستنيه فارس الاحلام والزوج المنتظر

فى بنات بتتجوز وفى بنات بتستنى

كلامنا هيكون على البنت اللى بتستنى

يا أما البنت دى بتكون فريسة للحزن اللى ممكن يوصلها للاعتراض على أمر الله والأكتئاب
او تصبر وترضى وتحتسب الاجر عند الله
الى ان ياتيها الفرج

انا زى أى بنت فى منتصف العشرينات بستنى

وفى خلال مرحلة الانتظار بالاقى ان احنا بنبهدل نفسنا اوووووووووى غصب عننا من كتر الحزن بسبب الضغوط الداخليه ان" انا نفسى افرح زى البنات ويكون ليا زوج وبيت واسره والميل للاستقرار" ووجود ضغوط خارجيه تتمثل فى "المجتمع ونظرته ومواجهته "

والحزن دا من تجربتى وتجارب بنات كتييييييير

يأما عيطنا كتييير او بنهرى وننكت فى نفسنا ودا بيأثر على شكلنا وبيخلينا مكتئبين

وعلى فكرة بيبان فى الوش مهما تحاولى تدارى
تفتكرى بجد اى راجل بيدور على عروسة هيأخد واحدة مكتئبة ووشها مش رايق

فى بنات كتييير أقابلها بلاقيها خست بشكل كبييييير غيرطبيعى وهما مش تخان يعنى عشان يخسوا للدرجة دى

ما عدايا انا بتخن هههههه يعنى هما من كتر الهم مفيش نفس للاكل وانا بحط غلى فى الاكل وباكل والنتيجه المزرية التخن طبعا

طبعا الخساسان او التخن ليهم تأثير فى مظهر البنت

الخساسان بيبان فى الوش مع الحالة النفسه السيئة وكذلك التخن بيخلى الجسم مظهره وااااااااااااااااااااااو

فى منا من الحزن مش بيحب يخرج ويختار انه يتقوقع فى اى مكان ودا بيدى فرصة عظيمة للحزن انه يكتر

كتير من البنات لما تسمع ان غيرها اتخطبت وان هى لسه هى مش بتكره ليها الخير هى بتحس انها هى كمان نفسها ربنا يكرمها وبتفتكر انها لوحدها فى الحال دا على رأى علا عبد الصبور انا بتجيلى كوابيس ان انا البنت الوحيدة اللى عنست

وطبعا بتحزن جدا

من النهايه احنا بنحزن اوووووى على حاجة مجهوله الله اعلم هنفرح بيها ولا نحزن وكمان الحزن الكتييييير منهى عنه فى الاسلام

طيب نعمل ايه الى ان نتزوج او لم نتزوج ؟؟؟

يتبع والرجاء عدم الرد الى انتهى من الموضوع "وشكرا"

...................................

.

» ياترى كنا هنعمل ايه من غيرك؟